نجهّز الطلاب لاختبارات الإنجليزي بخطة واضحة، وتدريب يومي، وقياس حقيقي للمستوى.
شُطّار منصة متخصصة في اختبارات اللغة الإنجليزية في السعودية. بدأنا بدورات تهيئة للاختبار المركزي في الإنجليزي للسادس الابتدائي والثالث المتوسط، لأن ولي الأمر يبغى جواب واضح لثلاثة أسئلة: وش يذاكر ابني؟ وكيف يتدرب؟ وهل هو جاهز فعلًا قبل الاختبار؟
عشان كذا بنينا الدورة على ثلاث طبقات: دروس قصيرة يشوفها الطالب متى ما بغى، وتدريب يومي مع المعلم في تيليجرام، وقياس بنموذجين تجريبيين وتقرير يوضح لولي الأمر وين وصل ابنه. وشُطّار مشروع تعليمي مستقل، وغير تابع لوزارة التعليم أو أي جهة رسمية.
متخصص في تصميم الاختبارات والقياس
محاضر لغة إنجليزية في جامعة سعودية، ماجستير من جامعة جنوب إلينوي (SIU) في أمريكا، ومتخصص في تصميم الاختبارات والقياس. كل سؤال في شُطّار مبني على جدول مواصفات ومربوط بأهداف المنهج.
كيف نبني الأسئلة والنماذج، من المنهج إلى تقرير ولي الأمر.
نحلل وحدات المنهج، ونوزّع الأسئلة على أهدافها بنسب واضحة.
كل سؤال يقيس هدف محدد من المنهج، على نفس شكل الاختبار وتعليماته.
الخيارات الغلط مبنية على الأخطاء اللي يقع فيها الطلاب فعلًا، عشان التدريب يكشفها.
بعد كل نموذج نحلل الإجابات، ونحدد وش يحتاج ابنك يراجع قبل الاختبار.
